Foto: Daniel Morso
Kristian Hus (f. 1940) er fødd og oppvaksen i Rosendal, der han i ung alder fekk interesse for ord og bokstavar i bladet Grenda sitt prenteverk. Etter å ha gått i typograflære i Haugesunds Avis, var han i 1965 med og etablerte Aksidenstrykkeriet på Husnes, då industrireisinga var i full gang.
I alle år seinare har han vore mediamann, med journalistisk erfaring frå Kvinnheringen, Svalbardposten, NRK Hordaland og digitale medier, som Innsida og HusnesNett. I dag driv Hus nettstaden Skimtvis.no, der han mellom anna lagar lydintervju med eldre kvinnheringar som fortel om sine levde liv.
Hus har gjeve ut sju bøker: Den første var Godt vaksen i 2015, medan Frå heim til heim kom ut året etter. Begge desse bøkene handla om eldre og deira livssituasjon. I 2018 kom Den sindige villmannen, om Tjerand Aske frå Fjelberg. Dokter Haugen kom ut i april 2019, med ei andreutgåve i juli same år. I 2020 kom sjølvbiografien Skimt frå livet og lokalmiljøet gjennom 80 år og i 2021 kom det to bøker: Samfunnsbyggjarane, om entreprenøren Gunnar Røsseland og familieverksemda, og Prestegardsminne om Malmanger prestegard.
Hus har hatt mange tillitsverv innan organisasjons- og næringsliv, og har også fleire periodar i kommunestyret bak seg. Han har òg vore leiar i Kvinnherad eldreråd og fekk gjennom dette arbeidet ideen til dei to første bøkene.
Kontakt
Send e-post
Telefon: 995 20 864