Urinprøve
Dette er ein anekdote om Endre Haugen (1895–1986), som var lege i Kvinnherad i heile 45 år. I boka Dokter Haugen – Lege i Kvinnherad 1934–1979 kan ein finna mange slike småhistoriar. I tillegg publiserer vi her ein heil del nye historiar som har komme til etter boka kom ut.
Sølvi Ulvenes fortel om ein gong far hennar var til Haugen for ei undersøking. Dokteren ville ha ein urinprøve og gav han eit glas til føremålet.
– Vann i det glasset, sa Haugen.
Pasienten visste at dette ikkje alltid var så enkelt på kommando. I tillegg var han noko av ein skøyar. Derfor tok han glaset bort til vasken og fylte det med vatn.
– Tiss i det! var den klare beskjeden han då fekk.