Skremt i vegkanten
Dette er ein anekdote om Endre Haugen (1895–1986), som var lege i Kvinnherad i heile 45 år. I boka Dokter Haugen – Lege i Kvinnherad 1934–1979 kan ein finna mange slike småhistoriar. I tillegg publiserer vi her ein heil del nye historiar som har komme til etter boka kom ut.
Turid Rønning hugsar ein gong ho var til Feet i Omvikdalen med sykkel for å handla. Ho hadde nett sett sykkelen frå seg i vegkanten like ovanfor butikken til Thunold då Haugen kom skjenande innover i bil. Ho lurer på om han kanskje kunne ha duppa av, for han var jo på farten både dag og natt. I alle fall heldt han på å køyra i grøfta der ho stod.
Han reagerte tidsnok, stoppa så vidt og sa:
– Jeg skremte deg visst!
Så køyrde han vidare.